عند إرتداءك للعباية تشعرين أن الطقم يضغط عليكِ أو يخلي شكلك أقل من المتوقع؟
اختيار اطقم تحت العباية المناسبة صار أهم من أي وقت لأنها تعطيك راحة .. ثقة بنفسك وتخلي إطلالتك مرتبة مهما كانت المناسبة.
في متجر أوركيد تلقين مجموعة مختارة من أفضل اطقم المناسبة لتحت العباية اللي تمنحك الراحة والأناقة في نفس الوقت وتخلي كل طلعة تجربة ممتعة بدون قلق.
ليش مهم تختارين اطقم تحت العباية بعناية؟
مو كل عباية تغطي العيوب أو تريح الجسم بالعكس.. لو لبستي طقم ما يناسب ممكن يضايقك أو يخلي إطلالتك أقل من المتوقع.
اختيار الصح يعطيك:
- راحة في الحركة بدون شد أو تضييق.
- إطلالة مرتبة حتى لو فتحتي العباية.
- ثقة بنفسك إنك مجهزة لأي ظرف.
- إحساس أنثوي واهتمام بتفاصيلك الصغيرة.
أنواع اطقم تحت العباية
فيه أنواع كثيرة تقدرين تختارين منها على حسب ستايلك:
1. بدلة أثير
كثير من البنات يدورون على طقم يكون أنيق وعملي بنفس الوقت يلبسونه تحت العباية للمشاوير أو حتى كستايل مستقل للمناسبات .. المشكلة إن أغلب الأطقم إما تكون رسمية بزيادة أو كاجوال بزيادة وما تعطي التوازن المطلوب…
هنا يجي دور بدلة أثير، بتصميمها الناعم بدون أكمام ورقبة عالية وذيل شيفون ينسدل بانسيابية أنيقة .. القماش كريب مطاطي فاخر مع شيفون حريري مريح والبنطلون واسع يغطي الكاحل يعني تلبسينها وتكوني مرتاحة وأنيقة بنفس اللحظة.
2.بدلة رِقّة
أحيانًا تبغين طقم بسيط لدوامك أو مشاويرك اليومية يكون عملي و يعطي إحساس بالأنوثة والراحة .. كثير من القطع اليومية ثقيلة أو خانقة وما تناسب اللبس الطويل.
هنا يظهر جمال بدلة رقة، تصميم سادة ناعم بتوب بدون أكمام ورقبة دائرية بتجميعة خفيفة تضيف لمسة أنثوية .. البنطلون مستقيم وعملي ومصنوع من كريب مطاطي فاخر يخلك مرتاحة طول اليوم سواء تحت العباية أو حتى كقطعة مستقلة.
3. بدلة أناقة
لو عندك دوام أو مشاوير رسمية وتبغين طقم يعطيك إطلالة عملية بس ما يخلي الأناقة تغيب غالبًا تحتارين بين راحة القطع الكاجوال وأناقة القطع الرسمية..
الحل هو بدلة أناقة، بلوزة بدون أكمام بربطة جانبية تحدد الخصر بشكل أنثوي مرتب مع بنطلون مستقيم بخصر مطاطي مريح .. القماش عملي ومطاطي ويعني ينفع للدوام أو الخرجات اليومية تحت العباية أو حتى كستايل مستقل يعكس ذوقك العصري.
4. فستان نسيم
كثير من البنات يبغون قطعة أساسية يلبسونها يوميًا تحت العباية تكون خفيفة ومريحة وما تحتاج تفكير طويل بالتنسيق .. بعض الفساتين تكون خانقة أو قماشها يسبب حرارة وتعرق.
الحل البسيط هو فستان نسيم، مصنوع من قماش بلاك بيري عملي وخفيف بقصة فضفاضة تضمن لك حرية الحركة وانسيابية طول اليوم ومثالي للدوام أو الاستخدام اليومي سهل الغسيل ويخلك دائمًا مرتبة بأقل مجهود.
نصائح لاختيار اطقم تحت العباية
عشان تختارين الطقم المثالي لازم تنتبهين لعدة نقاط:
1. نوع القماش
اختاري أقمشة خفيفة وناعمة مثل القطن أو اللينن في الصيف والقطن السميك أو الكشمير في الشتاء .. القماش يلعب دور أساسي في راحتك.
2. الألوان
لو عبايتك سادة سوداء تقدرين تختارين ألوان فاتحة أو باستيل تحتها .. ولو عبايتك ملونة أو مطرزة الأفضل تختارين اطقم محايدة مثل الأبيض .. البيج أو الأسود.
3. المقاس المناسب
لا تروحين لا واسع مرة ولا ضيق مرة. الطقم لازم يكون وسط يبرز أنوثتك بس بدون ما يضايقك.
4. المناسبة
قبل تختارين لازم تسألين نفسك وين بروح؟ إذا دوام اختاري اطقم عملية إذا عزيمة روحي للأناقة أكثر.
أفكار تناسب كل موسم
- في الصيف: قطن خفيف .. فساتين قصيرة أو أطقم رياضية مريحة.
- في الشتاء: اطقم صوف ناعمة أو بلوزة طويلة مع بنطلون.
- في الربيع: اطقم بألوان زاهية وبلايز خفيفة.
- في الخريف: اطقم بألوان دافئة مثل البني والزيتي.
نصائح للعناية بالطقم
لو تبغى تحافظ على الأطقم هذي فيه نصايح أساسية لازم تنتبه لها مثل:
1. اغسلي الطقم بألوان مشابهة
من أهم النقاط إنك تغسلين الطقم مع ألوان تشبهه مثل الأبيض مع الأبيض والغامق مع الغامق هالخطوة تمنع بهتان اللون أو انتقاله من قطعة لثانية .. كثير من البنات يخرب عليهم الطقم من أول غسلة بس لأنهم خلطوا الألوان .. العناية بهالشكل تساعدك تحافظين على الطقم فترة أطول بنفس شكلها الجديد.
2. اختيار درجة حرارة مناسبة للغسيل
كل قماش له طبيعة خاصة والحرارة العالية بالغسالة ممكن تقلص أو تخرب نسيج الطقم .. القطن يحتاج ماء فاتر، بينما الأقمشة الناعمة زي الشيفون والستان يفضل لها الماء البارد.
3. لا تكثرين من المكوى
كثرة الكي خصوصًا بدرجات عالية تضعف القماش وتخلي شكله قديم بسرعة والأفضل تستخدمين المكوى بالبخار أو درجة حرارة متوسطة وبس على الأماكن اللي تحتاج بهالطريقة تضمنين أن الطقم يظل مرتب بدون ما يتأثر.
4. تجفيف الطقم بطريقة صحيحة
الشمس المباشرة عدوة الأقمشة لأنها تبهت اللون وتخلي القطعة تبين قديمة والأفضل تنشرين الطقم في مكان فيه ظل وتهوية طبيعية.
5. استخدام معطر أقمشة خفيف
الرشة البسيطة من معطر الأقمشة تعطي إحساس بالانتعاش طول اليوم .. لا تكثرين عطر قوي لأنه ممكن يختلط مع عطر جسمك أو بخورك .. المعطر الخفيف يخلي الطقم تفوح بنعومة وتبين كأنها جديدة كل مرة تلبسينها.
كيف تنسقين الاطقم حسب المناسبة؟
- للدوام: بلوزة رسمية وبنطلون قماش أو فستان بسيط بلون هادي.
- للشوبينج: قميص واسع مع جينز أو تنورة مريحة.
- للمناسبات: فستان ستان أو شيفون مع إكسسوارات ناعمة.
- للبيت تحت العباية: بجامة ست أو طقم قطن أنيق ومريح.
التنسيق الذكي يخلي طلتك مختلفة حتى لو لابسة نفس العباية.
خاتمة
بالنهاية اختيار اطقم تحت العباية مو موضوع عابر هو تفصيل صغير يفرق بشكل كبير في راحتك وثقتك بنفسك لما تختارين الطقم الصح تحسين إنك مجهزة لكل موقف سواء دوام أو حتى مشوار بسيط .. خذي وقتك في اختيار القطعة المناسبة اهتمي بالقماش واللون والمقاس وخلي إطلالتك دايمًا أنيقة ومريحة.
لا تفوتي! تسوقي الآن أجمل طقم تحت العباية من متجر أوركيد وخلي إطلالتك مرتبة ومريحة طول اليوم.
الأسئلة الشائعة
ماذا أرتدي تحت العباءة؟
اللي تلبسينه تحت العباية يعتمد على راحتك .. لو مشوار عادي يكفيك طقم بسيط مثل تيشيرت مع جينز أو بلوزة خفيفة مع بنطلون .. للمناسبات تقدرين تلبسين فستان ناعم أو طقم ستان أنيق.
كيف أعرف شكل العباية الذي يناسب جسمي؟
عشان تعرفين العباية المناسبة لجسمك لازم أول تحددين شكل جسمك .. تفاحة .. كمثرى .. مستطيل أو ساعة رملية .. العبايات الواسعة والقصات المستقيمة تناسب أغلب الأجسام لكن لو كنتي طويلة يناسبك القصات المفتوحة ولو قصيرة يفضل العبايات السادة بدون تطريز كثير .. التجربة هي أسرع طريقة تكتشفين فيها الأنسب لك.
ما هي أفضل العبايات التي تناسب النحيفات؟
النحيفات يبرز عليهم التطريز والزخارف أكثر من غيرهم عشان كذا العبايات اللي فيها شغل أو نقوش تناسبهم وتعطي جسمهم امتلاء .. بعد الأقمشة الثقيلة شوية زي الكريب أو الكتان تضيف حجم أنيق .. الأفضل يتجنبون العبايات الواسعة جدًا لأنها تبين الجسم أنحف وبدالها يختارون قصات فيها تدرج أو أكمام واسعة.