اختيار قماش العباية هو السر وراء إطلالة تدوم بأناقتها، فكثير من البنات يواجهون مشكلة فقدان شكل العباية أو بهتان لونها مع الوقت بسبب نوع القماش. قماش الكريب بأنواعه المختلفة يُعتبر من أفضل الخيارات لأنه يجمع بين الراحة، الثبات، والمظهر المرتب، ليمنحك عباية أنيقة وعملية في كل مناسبة. وفي متجر أوركيد ستجدين تشكيلات مختارة من عبايات الكريب التي تحافظ على رونقك بثقة وراحة طوال اليوم.
انواع قماش كريب للعبايات
الكريب أكثر قماش منتشر وله أنواع كثيرة .. هنا بنعطيك أبرز الأنواع اللي تلقينها بالسوق:
1. كريب صالونا
من أكثر الأنواع المطلوبة قماش ياباني خفيف وبارد ما يحتاج كي ويعطي العباية شكل مرتب وعملي بنفس الوقت.
2. الكريب السعودي
ثقيل وسواده داكن يناسب العبايات السادة اليومية .. كثير بنات يحبونه لأنه ما يشف ولا يلمع وسهل العناية.
3. كريب باربي
هذا الكريب مصنوع من خامة أنيقة وناعمة يجي بجودة عالية وما يتجعد بسهولة .. ينفع للمناسبات أو إذا تبغين عباية فخمة وخفيفة بنفس الوقت.
4. كريب جورجيت
خفيف وناعم مرة يستخدمونه أكثر بالعبايات المزخرفة أو اللي فيها شغل وتطريز.
5. كريب ملكي
ثقيل وفخم يعطي إحساس راقي ومميز ومثالي للمناسبات والسهرات.
6. كريب الفرسان
نوع إندونيسي خفيف ومناسب للصيف ما يجمع غبار ويظل عملي لفترة طويلة.
7. كريب شامواه مغسول
ملمسه يشبه المخمل بس أخف يجي بألوان مختلفة زي العنابي والرمادي ويعطي العباية شكل عصري.
8. الكريب الكوري والصيني
- الكوري: متوسط الجودة والسعر وعملي وينفع للبس اليومي.
- الصيني: رخيص وخفيف بس يحتاج عناية أكثر لأنه مو متين زي الباقي.
ليش تختارين قماش كريب للعباية؟
- ملمسه خفيف وانسيابي.
- ما يبين تفاصيل الجسم بشكل مبالغ.
- شكله أنيق ويعطي العباية لمسة فخمة.
- يتحمل الاستخدام اليومي وفيه أنواع تناسب المناسبات الرسمية.
كيف تختارين النوع المناسب لكِ؟
اللي يفرق باختيار العباية مو بس اللون أو التصميم حتى القماش له دور كبير براحتك وأناقتك .. وهنا نقاط تساعدك تختارين النوع المناسب:
1. حددي المناسبة
لو عباية يومية أفضل خيار هو الكريب السعودي أو الكوري لأنه عملي ويتحمل الاستخدام .. أما لو عندك مناسبة أو سهرة اختاري الكريب الملكي أو الياباني لأنه يبان فخم ويعطي إطلالة مميزة.
2. فكري بالجو
بالصيف تحتاجين خامة خفيفة مثل الجورجيت أو الكريب الكوري عشان ما تحسي بحرارة .. أما بالشتاء الكريب السعودي أو الملكي أفضل لأنه ثقيل ويعطي دفء أكثر.
3. احسبي ميزانيتك
إذا كنتِ تدورين شي اقتصادي .. الكريب الكوري حل ممتاز لأنه سعره مناسب ويعطي شكل مرتب .. لكن إذا حابة تستثمرين بقطعة تدوم معك سنين الكريب الياباني أو الملكي .
4. جربي الملمس قبل الشراء
حتى لو الشكل يبان مرتب .. الملمس هو اللي يحدد راحتك فيه كريب يكون ناعم وانسيابي وفيه أنواع ممكن تسبب حرارة أو خشونة لا تكتفين بالنظر بس لازم تجربين بيدك.
5. شيكي على السماكة
بعض الأقمشة تنفع أكثر للبس اليومي لأنها سميكة وما تشف بينما الخفيفة تعطي إحساس أنثوي وراقي لكنها تناسب المناسبات أكثر .. هذا الشي يفرق كثير
نصائح قبل ما تشترين قماش الكريب
إذا ناوية تشترين قماش كريب لازم تنتبهين لبعض التفاصيل الصغيرة اللي تفرق كثير في راحتك وأناقتك .. هذي أهم نصائح تساعدك تختارين الصح:
تعرفي على طريقة الغسيل
كل نوع من انواع قماش كريب له أسلوب غسيل مختلف فيه اللي يتحمل الغسالة وفيه اللي يحتاج غسيل يدوي .. تأكدي من البائع قبل لا تشتري.
انتبهي للألوان
اللون الأسود يظل الأكثر طلب لأنه أنيق وعملي لكن لا يمنع تجربين ألوان ثانية مثل الرمادي .. الزيتي أو البني الغامق خصوصًا إذا ودك تتميزين عن البقية.
اسألي عن بلد المنشأ
الجودة تختلف كثير بين الكريب السعودي .. الكوري .. والياباني وكل نوع له مميزاته عشان كذا لازم تحددين أول شي وش يناسبك من بين مختلف قماش كريب للعبايات المتوفرة بالسوق.
قارني السعر بالجودة
مو كل رخيص عملي ولا كل غالي يستاهل سعره .. قارني بين أكثر من محل وتأكدي إن السعر يتماشى مع جودة القماش وقدرته على التحمل خصوصًا إذا ناوية تستثمرين بعباية تدوم معك فترة طويلة.
كيف تحافظين على عبايتك الكريب؟
بعد ما تختارين نوع قماش كريب لازم تهتمين بالطرق الصحيحة للعناية عشان القماش يظل ناعم وأنيق لفترة طويلة .. كثير بنات يخسرون جمال عباياتهم بسبب الغسيل أو التخزين الخاطئ عشان كذا جمعنا لك أهم نصائح:
1. التقليل من الغسيل
لا تغسلين العباية إلا وقت الحاجة لأن الغسيل المتكرر يبهت اللون ويضعف الخامة والكريب بطبيعته يحتفظ بنظافته أطول من غيره.
2. الغسيل اليدوي الأفضل
لو تبغين تحافظين على القماش سنين اغسليه يدوي بماء بارد وصابون خفيف والغسالة ممكن تشد الألياف وتخلي القماش يتكرمش.
3. التجفيف الطبيعي
بعد الغسيل علقي العباية بمكان فيه هواء بعيد عن الشمس المباشرة لأن الشمس ممكن تغير لون القماش وتضعفه.
4. التعطير الصحيح
استخدمي بخاخ خاص بالأقمشة بدل العطور العادية عشان ما يترك بقع أو يغير شكل العباية.
5. التخزين المناسب
علقي العباية على شماعة عريضة وحافظي يكون فيه مسافة بين القطع خاصة إذا عندك أكثر من وحدة عشان ما تتكسر أو تنضغط.
6. الكي بدرجة منخفضة
تجنبي الحرارة العالية لأنها ممكن تسبب لمعان مزعج أو تلف بالخيوط .. المكواة بالبخار أو حرارة منخفضة تعطي نتيجة أفضل.
وبالاهتمام بهذي التفاصيل بتقدرين تحافظين على عبايتك من انواع قماش كريب للعبايات وتخليها أنيقة وجاهزة لأي وقت.
الخاتمة
بالأخير اختيارك للعباية يعتمد على شخصيتك واحتياجك .. السوق مليان خيارات وكل نوع له مميزاته .. أهم شي تعرفين وش يناسبك من ناحية الراحة .. الشكل والسعر وإذا لقيتي النوع اللي تحبينه بيكون عندك عباية تعيش معك وتخلك متألقة دايم .. ولا تنسين إن معرفة انواع قماش كريب للعبايات تسهل عليك القرار وتخليك تختارين وانتِ واثقة.
اكتشفي الآن أفضل أنواع قماش كريب للعبايات التي تجمع بين الأناقة والراحة واطلعي على تشكيلتنا الحصرية من متجر أوركيد لتختاري العباية المثالية بكل سهولة.
إقرأ ايضا : قماش كريب باربي للعبايات
الأسئلة الشائعة
ما هي أفضل أنواع قماش الكريب للعبايات؟
أفضل أنواع قماش الكريب للعبايات هي اللي تجمع بين النعومة والمتانة زي الكريب السعودي والكوري .. هالأقمشة تتحمل اللبس اليومي وما تفقد شكلها بسرعة وكمان تعطي العباية لمسة فخامة كلاسيكية.
ما هي أسماء أنواع قماش الكريب؟
أسماء أشهر أنواع الكريب تشمل الكريب السعودي .. الكريب الياباني .. الكريب الفرنسي .. والكريب الكوري .. كل نوع له ميزته الخاصة من ناحية الملمس والوزن وسهولة العناية فيه .. الكريب السعودي مشهور بالاستعمال اليومي لأنه عملي ويعطي لمسة كلاسيكية.
احسن نوع قماش عبايات؟
أحسن قماش عبايات هو اللي يعطي الراحة والمظهر الأنيق بنفس الوقت .. كثير من البنات يحبون الكريب السعودي لأنه عملي وما يحتاج كوي كثير .. الكريب الكوري ممتاز للعبايات اليومية لأنه ثابت اللون وما يتكرمش بسرعة أما للسهرات والمناسبات الكريب الياباني أو الفرنسي يعطي لمعة ونعومة تخلي العباية تحسها فخمة ومميزة.